Forsíða Héraðsskjalasafn
Fréttir
Lionsklúbbur Húsavíkur 50 ára
Miðvikudagur, 08. júlí 2015 10:45

Lionsklúbbur Húsavíkur 50 ára

Þann 30. júní afhenti Lionsklúbbur Húsavíkur minnislykil með heimildarmyndbandi um 50 ára sögu klúbbsins. Myndin var unnin af fyrirtækinu Timerules.


Frá afhendingunni. Frá vinstri: Rafnar Orri Gunnarsson frá Timerules, Snorri Guðjón Sigurðsson héraðsskjalavörður og Tryggvi Finnsson frá Lionsklúbbi Húsavíkur.

 
Kallað eftir skjölum kvenna
Miðvikudagur, 18. mars 2015 08:30

Kallað eftir skjölum kvenna.

Kallað eftir skjölum kvennaKallað eftir skjölum kvenna.

 
Rannsóknarhópur við fræðastörf á héraðsskjalasafninu
Miðvikudagur, 28. janúar 2015 16:04

Rannsóknarhópur við fræðastörf á Héraðsskjalasafni Þingeyinga

Fimm manna rannsóknarhópur dvelur þessa vikuna við rannsóknir á Héraðsskjalasafni Þingeyinga. Hópurinn undir forystu Astrid Ogilvie sagnfræðings við Boulder háskóla í Colorado og Stofnun Vilhjálms Stefánssonar á Akureyri og Ragnhildar Sigurðardóttur vistfræðings við ReykjavíkurAkademíuna fékk nýverið myndarlegan forverkefnisstyrk úr EAGER-prógrammi bandaríska vísindasjóðsins, NSF (National Science Foundation). Sjóðurinn er einn sá virtasti í heimi vísinda og fræða. Auk Astrid og Ragnhildar taka þátt í verkefninu Árni Daníel Júlíusson sagnfræðingur við RA, Megan Hicks fornleifafræðingur við CUNY (The City University of New York) og Viðar Hreinsson bókmenntafræðingur við RA.

Árni Daníel Júlíusson sagnfræðingur Astrid Ogilvie sagnfræðingur við Boulder háskóla í Colorado Ragnhildur Sigurðardóttir vistfræðingur við ReykjavíkurAkademíuna Megan Hicks fornleifafræðingur við CUNY (The City University of New York) Viðar Hreinsson bókmenntafræðingur við RA

 

Verkefnið er þverfaglegt og snýst um að rannsaka samspil manns og umhverfis í Mývatnssveit á tímabilinu 1700-1950. Miklar rannsóknir hafa farið fram á sviðum fornleifafræði og fornvistfræði umhverfis Mývatn á undanförnum árum en þær hafa einkum beinst að landnámi og búsetu á miðöldum. Þessar rannsóknir hafa að verulegu leyti verið fjármagnaðar af NSF. Miklar rannsóknir hafa einnig verið gerðar á fornleifum tímabilsins 1700-1950 við Mývatn, en hugmyndin með verkefninu er að tengja þekkingu á fornleifum við þekkingu sem geymd er í skjölum, ritverkum og öðrum heimildum á sviði hefðbundinna hug- og félagsvísinda.

Verkefnið felur í sér miklar aðferðafræðilegar og vísindalegar nýjungar, einkum á sviði umhverfishugvísinda, sem eru einn mikilvægasti, vaxtarbroddur fræðasamfélagsins um þessar mundir. Markvisst verður unnið að því aðbyggja upp samræðu milli ólíkra greina: fornvistfræði, fornveðurfræði, fornleifafræði, umhverfissögu og bókmenntasögu í því skyni að samþætta margvíslega þekkingu. Slíkt þverfaglegt samstarf er afar mikilvægt og hefur í för með sér þekkingarleg margfeldisáhrif.

 
Norræni skjaladagurin 2014
Laugardagur, 08. nóvember 2014 14:22

Norræni skjaladagurinn 2014

Norræni skjaladagurinn er á morgun 8. nóvember 2014. Þá sameinast opinberu skjalasöfnin, Þjóðskjalasafn Íslands og 20 héraðsskjalasöfn um land allt um kynningu á starfsemi safnanna. Hluti af þeirri kynningu hefur verið sameiginlegur vefur (www.skjaladagur.is) þar sem að söfnin birta greinar um ákveðið þema. Héraðsskjalavörður Þingeyinga sat í nefnd ákvað þema skjaladagsins og verður það þetta árið „Vesturfarar“. Í skjalasöfnum er varðveitt mikið magn heimilda sem snerta þennan merkilega þátt Íslandssögunnar. Nokkur umræða hefur verið um vesturfara í kjölfar sýninga RÚV á þáttum Egils Helgasonar. Í flestum skjalasöfnunum landsins eru heimildir um vesturfara og vesturferðir og nokkur dæmi um slíkar heimildir er að finna á skjaladagsvefnum.

Myndir af þingeyskum vesturförum Eysteinn Tryggvason

Í tilefni að skjaladeginum verður sýning í Héraðsskjalasafni Þingeyinga um vesturfararskrá Eysteins Tryggvasonar. Skráin sjálf verður til sýnis í lestrarsal safnins ásamt því að fjöldi ljósmynda af Vesturförum í skránni verður til sýnis í sýningarskápum.

Mörg skjalasöfn opna hús sín fyrir almenningi á þessum degi og vekja athygli á tilteknum skjalaflokkum, oft með því að setja upp sýningar á völdum skjölum sem tengjast þema dagsins hverju sinni. Önnur setja upp sýningar sem tengjast skjaladeginum með einhverjum hætti, en standa uppi í nokkrar vikur. Óhætt er að fullyrða að eitthvað sé á döfinni hjá langflestum skjalasöfnunum um þetta leyti ársins. Upphaflega var ákveðið var að annað hvert ár skyldi dagurinn helgaður sameiginlegu norrænu þema. Þess á milli áttu söfnin að hafa frjálsar hendur um val á þema. Árið 2006 var ákveðið að hafa sameiginlegt þema þriðja hvert ár og skyldi þemað ákveðið og kynnt á norrænum skjaladögum árið áður. Það fyrirkomulag hefur haldist að mestu leyti síðan. Opinber skjalasöfn á Norðurlöndum hafa lengi kynnt starfsemi sína með ýmsu móti. Árið 2001 sameinuðust þau um árlegan kynningardag, annan laugardag í nóvember.

Þótt lög gildi um opinbera skjalavörslu, er ekki nægilega áréttað að einstaklingar í félögum, stofnunum og fyrirtækjum ráða miklu um hvað verður um gögn sem þeir vinna með eða varðveita. Eitt markmiða skjaladagsins er að efla vitund fólks um að skjalasöfnin séu tryggir vörslustaðir skjala af hvaða tagi sem er. Fundargerðabækur, bréf, myndir og fleiri skjöl af ýmsu tagi eiga erindi á skjalasöfn. Því er fólk hvatt til að hafa samband við næsta héraðsskjalasafn, eða Þjóðskjalasafn, ef það hefur undir höndum skjöl sem það veit ekki hvað gera á við, eða vill koma í örugga vörslu.

 
Fjársjóðir úr fórum skjalasafnanna
Fimmtudagur, 07. nóvember 2013 08:28

"Fjársjóðir úr fórum skjalasafnanna"

GaldrakverNorræni skjaladagurinn verður haldinn hátíðlegur á öllum Norðurlöndum laugardaginn 9. nóvember nk. Í ár er þema dagsins "Fjársjóðir úr fórum skjalasafnanna". Markmiðið með deginum er að vekja athygli á hinu margþætta starfi opinberu skjalasafnanna og þeim merkilegu heimildum sem þau varðveita. Flest söfnin taka þátt í deginum með einum eða öðrum hætti og kynna sérstaklega þá fjársjóði sem þar má finna. Þá vilja skjalasöfnin hvetja félög og einstaklinga til þess að koma skjölum til varðveislu í skjalasöfnum þannig að þau verði aðgengileg þeim sem eftir leita.

Sameiginlegur vefur

Líkt og fyrri ár sameinast hin opinberu skjalasöfn landsins um sameiginlegan vef, www.skjaladagur.is, til kynningar á skjaladeginum og áhugaverðu efni tengdu þema hans. Þar er að finna margvíslegt efni við allra smekk og hæfi. Héraðsskjalasafn Þingeyinga er að þessu sinni með fjórar greinar á síðunni.

Á skjaladagsvefnum má einnig fræðast um skjaladaginn sjálfan og skjalasöfnin sem að honum standa. Þar er einnig dagskrá um atburði sem söfnin standa fyrir í tilefni dagsins. Á skjaladaginn, laugardaginn 9. nóvember nk., verður brugðið upp á vefnum laufléttri getraun úr efni vefsins og eru verðlaun í boði fyrir rétta úrlausn.

 
«FyrstaFyrri12345NæstaSíðasta»

Síða 2 af 5
 
Auglýsing
Auglýsing
Auglýsing
Auglýsing
Auglýsing
merki_125-125