Forsíða Héraðsskjalasafn
Fréttir
Hálfdan Jakobsson frá Mýrarkoti
Þriðjudagur, 09. ágúst 2011 08:48

Vorið 2011 barst Héraðsskjalasafninu bréfasafn Hálfdans Jakobssonar frá Mýrarkoti. Vinna við flokkun og skráningu safnsins er nú lokið og í þessu pdf-skjali má sjá yfirlit yfir bréfasafnið.

Hálfdan Jakobsson um 1910-1915

Hálfdan fæddist þan 26. maí 1873. Hann var sonur Jakobs kaupfélagsstjóra Hálfdanarsonar og konu hans Petrínu Kristínu Pétursdóttur.

Áður en hann hóf búskap á Tjörnesi fór hann víða um heim og stundaði allskyns störf, búskap í Manitóba, fiskveiðar í Seattle, gullgröft um fimm ára skeið í Klondyke.

Hálfdan fór vestur árið 1893 og settist að við Manitóbavatn. Gullhugur var mikill hjá ungum mönnum vegna gullfundanna í Klondyke og þegar Hálfdán hitti æskufélaga sinn Sveinbjörn Guðjónsson nýkominn að heiman varð það úr að þeir fóru báðir norður í Klondyke. Þeir voru fimm ár og tókuþar land og fundu nokkurt gull en auðugir menn urðu þeir ekki nema hvað þeir urðu reynslunni rikari, því hvergi sagðist Hálfdán hafa kynnzt jafn taumlausri ágirnd og óvægi við aðra þar sem allir ætluðu að verða ríkir á augabragði og hvað sem það kostaði. Heim til Íslands kom Hálfdán aftur haustið 1903 eftir 10 ára ævintýraríkt "heims-flakk" eins og hann kallaði það sjálfur.

Eftir heimkomuna stóð hann fyrir brennisteinsnámi á Þeistareykjum fyrir Englending, Black að nafni, sem þá hafði námurnar á leigu. Hann ferðaðist líka mikið með útlendingum um landið þessi ár og lenti oft í erfiðum ferðum sem bæði þurfti karlmennsku og áræði til að komast í gegn um.

Árið 1905 keypti hann jörðina Héðinshöfða við Húsavík, og bjó þar í fimm ár, þá seldi hann jörðina en keypti Mýrarkot á Tjörnesi nokkru seinna og bjío þar til dauðadags.

Hálfdan Jakobsson lést þann 22.september 1955, áttatíu og tveggja ára að aldri.

 
Þingeyskir Vesturfarar á árunum 1860 til 1920
Þriðjudagur, 19. júlí 2011 10:56

Þann 1.júní  færði Eysteinn Tryggvason Héraðsskjalasafninu höfðinglega gjöf. Eysteinn hefur síðustu ár unnið við að safna saman upplýsingum um þingeyinga sem fluttust til Vesturheims. Þessar upplýsingar hefur hann tekið saman í verkinu "Þingeyskir Vesturfarar á árunum 1860 til 1920".

 

 

 

Nánar...
 
Skjalafundur
Miðvikudagur, 11. maí 2011 16:32

Í dag fór fram í Safnahúsinu fundur Héraðsskjalasafns Þingeyinga með Þjóðskjalasafni Íslands og sveitarstjórnarmönnum á starfssvæði Héraðsskjalasafnsins.

 

 

 

Á fundinum kynnti Þjóðskjalasafnið nýja handbók um skjalavörslu sveitarfélaga. Hrefna Róbertsdóttir, sviðsstjóri skjalasviðs Þjóðskjalasafnsins, fór yfir hlutverk Þjóðskjalasafns og héraðsskjalasafna og reglur um skjalavörslu. Bjarni Þórðarson, fjármálastjóri Þjóðskjalasafnsins, fór yfir reglur um rafræn opinber gögn, sveitarfélög og héraðsskjalasöfn. 

 

 
Jón Jakobsson - Í dag fyrir 105 árum
Þriðjudagur, 08. mars 2011 13:28

Jón Jakobsson í Árbæ á Tjörnesi er þekktur dagbókarritari. Hann var fæddur 18.maí 1875 á Ketilsstöðum á Tjörnesi. Faðir hans var Jakob Jónsson hreppstjóri á Fjöllum í Kelduhverfi. Móðir hans var Kristín Andrésdóttir.

 

"Jón var lagvirkur maður og velvirkur. Smiður var hann sjálflærður, en eigi að síður góður. Hann var nærfærinn við sjúkar skepnur, hjálpaði bæði kúm og ám, ef þeim gekk illa að bera, hafði tæki til að dæla doðaveikar kýr, bólusetti fé gegn bráðapest, sótthreinsaði, ef smitnæmir sjúkdómar gengu. Oft var hann fenginn til þess að vaka yfir sjúkum mönnum." (Auðlegð andans fjár við útskerið eftir Karl Kristjánsson, Árbók Þingeyinga 1971).

 

Jón Jakobsson hóf ritun dagbóka þann 26.október 1889 og hélt ritunninni áfram allt til 29.apríl 1915 er hann veiktist alvarlega. Flestar þessara dagbóka eru aðgengilegar á Héraðsskjalasafni Þingeyinga.

Nánar...
 
Bændatal á Tjörnesi á 19. öld
Föstudagur, 11. febrúar 2011 00:00

Héraðsskjalasafninu berast daglega fyrirspurnir um hvort ákveðin skjöl sé að finna í skjalageymslum þess. Stundum er tækifærið notað þegar er verið að eiga við þessi skjöl og þeim komið yfir á rafrænt form. Nýlega var lokið við að skanna bókina bændatali á Tjörnesi á 19.öld. Í bókinni eru skráðar lýsingar á bændum og bæjum á Tjörnesi eftir sögnum Jóhannesar Guðmundssonar.

Nánar...
 
«FyrstaFyrri1234NæstaSíðasta»

Síða 4 af 4
 
Auglýsing
Auglýsing
Auglýsing
Auglýsing
Auglýsing
merki_125-125