Forsíða Héraðsskjalasafn
Fréttir
Norræni skjaladagurin 2014
Laugardagur, 08. nóvember 2014 14:22

Norræni skjaladagurinn 2014

Norræni skjaladagurinn er á morgun 8. nóvember 2014. Þá sameinast opinberu skjalasöfnin, Þjóðskjalasafn Íslands og 20 héraðsskjalasöfn um land allt um kynningu á starfsemi safnanna. Hluti af þeirri kynningu hefur verið sameiginlegur vefur (www.skjaladagur.is) þar sem að söfnin birta greinar um ákveðið þema. Héraðsskjalavörður Þingeyinga sat í nefnd ákvað þema skjaladagsins og verður það þetta árið „Vesturfarar“. Í skjalasöfnum er varðveitt mikið magn heimilda sem snerta þennan merkilega þátt Íslandssögunnar. Nokkur umræða hefur verið um vesturfara í kjölfar sýninga RÚV á þáttum Egils Helgasonar. Í flestum skjalasöfnunum landsins eru heimildir um vesturfara og vesturferðir og nokkur dæmi um slíkar heimildir er að finna á skjaladagsvefnum.

Myndir af þingeyskum vesturförum Eysteinn Tryggvason

Í tilefni að skjaladeginum verður sýning í Héraðsskjalasafni Þingeyinga um vesturfararskrá Eysteins Tryggvasonar. Skráin sjálf verður til sýnis í lestrarsal safnins ásamt því að fjöldi ljósmynda af Vesturförum í skránni verður til sýnis í sýningarskápum.

Mörg skjalasöfn opna hús sín fyrir almenningi á þessum degi og vekja athygli á tilteknum skjalaflokkum, oft með því að setja upp sýningar á völdum skjölum sem tengjast þema dagsins hverju sinni. Önnur setja upp sýningar sem tengjast skjaladeginum með einhverjum hætti, en standa uppi í nokkrar vikur. Óhætt er að fullyrða að eitthvað sé á döfinni hjá langflestum skjalasöfnunum um þetta leyti ársins. Upphaflega var ákveðið var að annað hvert ár skyldi dagurinn helgaður sameiginlegu norrænu þema. Þess á milli áttu söfnin að hafa frjálsar hendur um val á þema. Árið 2006 var ákveðið að hafa sameiginlegt þema þriðja hvert ár og skyldi þemað ákveðið og kynnt á norrænum skjaladögum árið áður. Það fyrirkomulag hefur haldist að mestu leyti síðan. Opinber skjalasöfn á Norðurlöndum hafa lengi kynnt starfsemi sína með ýmsu móti. Árið 2001 sameinuðust þau um árlegan kynningardag, annan laugardag í nóvember.

Þótt lög gildi um opinbera skjalavörslu, er ekki nægilega áréttað að einstaklingar í félögum, stofnunum og fyrirtækjum ráða miklu um hvað verður um gögn sem þeir vinna með eða varðveita. Eitt markmiða skjaladagsins er að efla vitund fólks um að skjalasöfnin séu tryggir vörslustaðir skjala af hvaða tagi sem er. Fundargerðabækur, bréf, myndir og fleiri skjöl af ýmsu tagi eiga erindi á skjalasöfn. Því er fólk hvatt til að hafa samband við næsta héraðsskjalasafn, eða Þjóðskjalasafn, ef það hefur undir höndum skjöl sem það veit ekki hvað gera á við, eða vill koma í örugga vörslu.

 
Fjársjóðir úr fórum skjalasafnanna
Fimmtudagur, 07. nóvember 2013 08:28

"Fjársjóðir úr fórum skjalasafnanna"

GaldrakverNorræni skjaladagurinn verður haldinn hátíðlegur á öllum Norðurlöndum laugardaginn 9. nóvember nk. Í ár er þema dagsins "Fjársjóðir úr fórum skjalasafnanna". Markmiðið með deginum er að vekja athygli á hinu margþætta starfi opinberu skjalasafnanna og þeim merkilegu heimildum sem þau varðveita. Flest söfnin taka þátt í deginum með einum eða öðrum hætti og kynna sérstaklega þá fjársjóði sem þar má finna. Þá vilja skjalasöfnin hvetja félög og einstaklinga til þess að koma skjölum til varðveislu í skjalasöfnum þannig að þau verði aðgengileg þeim sem eftir leita.

Sameiginlegur vefur

Líkt og fyrri ár sameinast hin opinberu skjalasöfn landsins um sameiginlegan vef, www.skjaladagur.is, til kynningar á skjaladeginum og áhugaverðu efni tengdu þema hans. Þar er að finna margvíslegt efni við allra smekk og hæfi. Héraðsskjalasafn Þingeyinga er að þessu sinni með fjórar greinar á síðunni.

Á skjaladagsvefnum má einnig fræðast um skjaladaginn sjálfan og skjalasöfnin sem að honum standa. Þar er einnig dagskrá um atburði sem söfnin standa fyrir í tilefni dagsins. Á skjaladaginn, laugardaginn 9. nóvember nk., verður brugðið upp á vefnum laufléttri getraun úr efni vefsins og eru verðlaun í boði fyrir rétta úrlausn.

 
Ráðstefna Félags Hérðasskjalavarða á Íslandi
Þriðjudagur, 01. október 2013 09:23

Ráðstefna Félags Hérðasskjalavarða á Íslandi.

Dagana 23. og 24. september tók Héraðsskjalasafn Kópavogs á móti fulltrúum systurstofnana sinna af öllu landinu á ráðstefnu sem haldin er í stúkunni við Kópavogsvöllinn.

Á ráðstefnunni eru málstofur þar sem tekið er á ýmsum þáttum í daglegu starfi safnanna, svo sem staðlaða skráningu skjalasafna og reglur um aðgengi að þeim, nýlegar útgáfur skjalasafna bæði prentuð rit og á vef, samstarf við sögufélög og sameiginleg átök héraðsskjalasafnanna um söfnun skjala og margt fleira.

Þetta er þriðja ráðstefnan sem félagið heldur, árið 2011 var hún í Reykjavík og í fyrra á Akureyri. Hún er vettvangur fyrir starfsmenn skjalasafnanna að kynnast og efla samstarf sín á milli sem og að árétta mikilvægi starfs þeirra fyrir sveitarfélögin, bæði hið stjórnsýslulega hlutverk safnanna sem snýr að varðveislu skjallegra gjörninga sveitarfélaganna og veitingu aðgengis að þeim og hið menningarlega hlutverk sem snýr að eflingu á þekkingu á sögu umdæma héraðsskjalasafnanna.

Kópavog heimsóttu af þessu tilefni fulltrúar héraðsskjalasafna af öllu landinu, frá Höfn til Ísafjarðar og Reykjavík til Húsavíkur og allt þar á milli.

 
Boðberi K.Þ.
Þriðjudagur, 14. maí 2013 13:27

Heildarútgáfa á Boðbera K.Þ.

Boðberi

Nýlega barst Héraðsskjalasafni Þingeyinga heildarútgáfa á Boðbera K.Þ. Útgáfa blaðsins hófst 1933 og var tilgangur þess að bera boð frá stofnuninni til félagsmannana. Strax í upphafi birtust auglýsingar í blaðinu og á meðfylgjandi mynd má t.d. sjá auglýsingar um hljómplötur og kýr.

 
Krummi
Föstudagur, 30. nóvember 2012 11:05

Krummi

Krummi

Við skráningu á einkaskjalasafni Konráðs Vilhjálmssonar frá Hafralæk þá rákumst við á þetta eintak af blaðinu "Krummi". Til var sérstakt kennararfélag í Þingeyjarsýslu og tók það við útgáfu blaðsins 1912 en blaðið hafði komið út hjá öðrum útgefanda í tvö ár þar á undan. Hvert tölublað var sent út í 4 eintökum sem öll voru með sama broti.Í Krumma sögðu kennarar oft skoðanir sínar á kennslubókum og hvað kennarastéttin ætti að leggja áherslu á. t.d. íslenskukennslu í stað landafræði.

Þetta fyrsta tbl. af Krummi var ýtt úr vör með orðunum "Fljúgðu svo um, Krummi litli, og neyttu vel vængja þinna!. Þrjár greinar eru í blaðinu: Inngangsorð, Íslenzkukennska og Draumur. (E-1428/11)

 
«FyrstaFyrri12345NæstaSíðasta»

Síða 3 af 5
 
Auglýsing
Auglýsing
Auglýsing
Auglýsing
Auglýsing
merki_125-125