Forsíða Forsíða Sýningar framundan
Á döfinni
Fimmtudagur, 30. nóvember 2017 14:46

Þetta vilja börnin sjá!

Sýning á myndskreytingum 24 íslenskra myndskreyta í 33 bókum sem komu út á árinu 2016.

Safnahúsinu á Húsavík 1. desember 2017 – 13. janúar 2018

 

Þetta vilja börnin sjá!

Á jarðhæð Safnahússins verður sýningin „Þetta vilja börnin sjá!“ opnuð föstudaginn 1. desember nk.  Sérstakir gestir opnunarinnar verða nemendur 2. og 3. bekkjar Borgarhólsskóla sem mæta snemma dags ásamt fylgdarliði. Á sýningunni gefur að líta myndskreytingar 24 íslenskra myndlistarmanna við samtals 33 barnabækur sem komu út á árinu 2016, ásamt bókunum sjálfum. Myndir sýnenda eru eins fjölbreyttar og þær eru margar og gefur að líta verk bæði gamalreyndra teiknara sem fyrir löngu eru vel þekktir í heimi íslenskra barnabókmennta, sem og glæný verk myndhöfunda sem nú sýna í fyrsta sinn. Þarfir barna eru sérstaklega hafðar í huga við uppsetningu sýningarinnar, enda ljóst að viðfangsefni hennar er ætlað börnum frá byrjun.

Þetta er í 15. sinn sem sýningin Þetta vilja börnin sjá! er haldin á vegum Borgarbókasafnsins – menningarhúss Gerðubergi og vekur hún jafnan verðskuldaða athygli. Sýningin var að venju fyrst sett upp í Gerðubergi, en hefur síðan verið á ferðalagi um landið. Eins og oft áður endar hún ferðalagið hjá okkur í Safnahúsinu og við fáum að njóta hennar í jólamánuðinum og fram á nýtt ár.

Sýningin verður opin á opnunartíma bókasafnsins, sérstaklega er minnt á laugardagsopnun frá 10-14.

Enginn aðgangseyrir er að sýningunni.

 
Miðvikudagur, 04. október 2017 08:49

Frá Íslandi til Tasmaníu

Ljósmyndasýningin Frá Íslandi til Tasmaníu eftir Guðmund Bjartmarsson verður opnuð 6.október næstkomandi kl 16 á jarðhæð Safnahússins og verður opin til og með 20. október á opnunartíma hússins.

 

Frá Íslandi til Tasmaníu

 

Guðmundur fæddist 6.október 1948 á Sandi í Aðaldal. Hann fluttist til Reykjavíkur 1960 og bjó lengst af í 101 Rvk. Guðmundur var kvikmyndagerðarmaður að aðalstarfi en tók alltaf ljósmyndir líka. Hann hélt nokkrar sýningar í Reykjavík. Guðmundur lést 10 mars síðastliðinn.

Fyrir fáum árum flutti Guðmundur til Tasmaníu og dvaldi þar þrjú ár. Í Tasmaníu tók hann fjölda ljósmynda og hugðist sýna, en entist ekki aldur til og fól okkur systrunum að ljúka verkinu. Myndirnar á sýningunni sýna tvo ólíka heima, Ísland og Tasmaníu. Á sýningunni verða einnig sýnishorn af ritum, sem Guðmundur vann upp úr handritum föður síns og afa.

Allir velkomnir á opnun. Léttar veitingar.

 
Fimmtudagur, 21. september 2017 12:57

Málverkasýning Gunnhildar Ingólfsdóttur

Málverkasýning Gunnhildar Ingólfsdóttur verður opnuð föstudaginn 22. september kl. 16:00.


Sýningin verður opin til og með fimmtudagsins 5. október.

Allir hjartanlega velkomnir. Aðgangur ókeypis.

 
Þriðjudagur, 22. ágúst 2017 11:15

Safnakvöld í Þingeyjarsýslum

Safnakvöld í Þingeyjarsýslum

 
Miðvikudagur, 09. ágúst 2017 08:15

Steinholt – saga af uppruna nafna

Sýning Christopher Taylor, Steinholt, saga af uppruna nafna verður opnuð í Safnahúsinu á Húsavík sunnudaginn 13. ágúst kl. 20:00.

Ljósmyndarinn Christopher Taylor, er fæddur og uppalinn í Bretlandi en er í dag búsettur í Frakklandi. Christopher hefur unnið að margvíslegum ljósmyndaverkefnum og haldið sýningar víða um heim. Steinholt – saga af uppruna nafna fjallar um minningu staðar. Christopher Taylor dvaldi á Þórshöfn og ferðaðist um svæðið þar í kring til að gera umhverfinu skil og greina frá minningum sem tengjast Steinholti. Eiginkona Christophers, Álfheiður, á rætur á Þórshöfn á Langanesi. Afi hennar og amma, byggðu þar húsið Steinholt árið 1929. Þegar Álfheiður var barn var hún send yfir sumartímann í  Steinholt til ömmu sinnar og nöfnu. Stundirnar þar eru meðal hennar bestu æskuminninga. Christopher vann að ljósmyndunum á sýningunni í kjölfar óvænts atburðar eftir heimsókn Álfheiðar í Steinholt eftir langa fjarveru. Sýningin er innblásin af forfeðrum Álfheiðar sem ferðuðust vítt og breitt um svæðið í leit að atvinnu eða búsetu.

Fontur Rif


Á árinu kom út bókin Steinholt með ljósmyndum Taylor. Í bókina rita Monica Dematté og Chirstopher sjálfur. Sýningin var sett upp í Þjóðminjasafni Íslands á fyrri hluta ársins og valin verk af sýningunni voru sýnd í Sauðaneshúsi fyrr í sumar.

Sýningaropnunin er öllum opin og sýningin stendur til septemberloka.

 
«FyrstaFyrri12345678910NæstaSíðasta»

Síða 2 af 13
 
Auglýsing
Auglýsing
Auglýsing
Auglýsing
Auglýsing