Forsíða Home Upcoming exhibitions
Upcoming events
Þá og nú
Tuesday, 23 May 2017 12:35

Þá og nú.

Þá og nú er yfirskrift málverkasýningar sem Guðbjörg Ringsted opnar þannn 27.maí kl.14 í Safnahúsinu á Húsavík. Sú yfirskrift er bæði vísun í gamla og nýja tíma sem og að á sýningunni verða verk frá árinu 2012 fram til dagsins í dag sem sýna þá þróun sem verið hefur á málverkum Guðbjargar þennan tíma. Sem fyrr leitar Guðbjörg í smiðju gamalla blómamynstra frá íslenska kven-þjóðbúningnum, en hún finnur þeim nýstárlegan farveg í málverkum sínum.

Guðbjörg Ringsted

Þetta er 32. einkasýning Guðbjargar en hún útskrifaðist úr Myndlista- og handíðaskóla Íslands árið 1982. Guðbjörg var bæjarlistamaður Akureyrar 2012-2013.

Sýningin er opin á opnunartíma safnsins frá 27. maí til 31. júlí 2017.

 
Um förumenn og flakkara
Friday, 12 May 2017 12:51

"Um förumenn og flakkara"

Dr. Sigurgeir GuðjónssonFyrirlestur í Safnahúsinu á Húsavík í tilefni af alþjóðlega safnadeginum þann 18. maí.

Fyrirlesturinn hefst kl. 20:00, enginn aðgangseyrir.

Dr. Sigurgeir Guðjónsson fjallar um  aðstæður og æviþætti nokkurra einstaklinga á Norðurlandi á liðnum öldum sem fóru aðrar leiðir en allur fjöldinn. Einnig er varpað ljósi samfélagið á þessum tíma og viðbrögð sveitastjórna.

Sigurgeir er sjálfstætt starfandi sagnfræðingur í Akureyrarakademíunni.

Allir velkomnir, heitt á könnunni.

 
Far away right here - Langt í burtu hérna
Thursday, 04 May 2017 10:19

Far Away Right Here – Langt í burtu, hérna

 

Matin Cox
Safnahúsinu á Húsavík
Júní 3 - Sept 1, 2017
Formleg opnun 10. júní kl. 17:00.

 

Ljósmyndarinn Martin Cox, búsettur í Los Angeles, fæddur í Englandi, mun í sumar halda einkasýninguna “Far away, right here” eða “Langt í burtu, hérna” í Safnahúsinu. Margar myndanna á sýningunni eru afrakstur mánaðarlangrar dvalar Martin í Fjúk listamiðstöð á Húsavík sumarið 2016. Meðan á dvölinni stóð kannaði Martin ströndina í vetrarbúningi og bjó til myndaröð undir áhrifum af landslagi og sögu Húsavíkur.

Lykilverkið í sýningunni er afar stór klippimynd (collage), mynd af Húsavíkurhöfn gerð úr hundrað handprentuðum ljósmyndum. Myndirnar tók Martin af Húsavíkurhöfn við fjölbreytileg birtu- og veðurskilyrði. Í verkinu segir Martin á sjónrænan hátt sögu hafnarinnar, starfseminnar sem þar fer fram, viðskipta og mannlífs. Veðrið, fjöllin, skipin og birtan leika aðalhlutverk í myndunum. Hann bætir einnig sögulegri vídd í verkið með myndum úr Ljósmyndasafni Þingeyinga af lífinu við höfnina í gegnum tíðina. Framtíðin birtist einnig í verkinu í myndum af heimabörnum teknum af foreldrum. Verkið vann Martin að mestu í vinnustofu sinni í L.A., en síðustu myndunum verður bætt í verkið við uppsetningu í Safnahúsinu.

Martin hefur fundið að í þessari vinnu sinni hafa uppvaxtarár hans í hafnarbænum Southampton í Englandi, iðnaðarbæ með sterka tengingu við sveitina í kring, haft áhrif. Þau áhrif blandast síðan áhrifum sem hann hefur orðið fyrir af eyðmörkum sem umkringja Los Angeles, Martin er heillaður af fjarlægðunum, þögninni og jarðfræði þessa heillandi landslags.

Á sýninunni verður einnig nánast “eintóna” röð landslagsmynda,  myndaröðin “Snjóteikningar” dregur fram “minimalismann” í landslagi undir snjó.

Litir og skali eru viðfangsefni þriðju myndaraðirnnar. Þar sem myndefnið er snjóruðningar við götur Húsavíkur. Í samspili götulýsingar og ljósaskipta verður til einstök birta sem lýsir upp þessi sköpunarverk sem að hluta eru manngerð.

Martin skýrir áhuga sinn á landslagi: “Ég vinn með landslag til að sjá það betur. Landslagið er birtingarmynd okkar og okkar athafna til langs tíma. Uppblástur, landnotkun, landbúnaður, jarðfræði, veður, iðnaður og flekaskil, vísbendingar sem birtast allt í kringum okkur og hafa að öllum líkindum undirliggjandi áhrif á tilfinningar hversdagsins. Tíminn markar landslagið. Landslag er kort af fortíðinni, endurspeglun nútímans og framtíðar.  Það er kjarni viðhorfa í okkar lífi, við sjáum það út undan okkur, grundvöllinn að tilvist mannsins.

Ísland er land sem liggur við heimskautsbaug, því hafa loftslagsbreytingar stórkostleg áhrif þar. Í kyrrð dalanna er undirliggjandi menningarleg umbylting þegar loftslagsbreytingar gera það að verkum að forn landnýtingarhefð sleppir tökunum.”

Martin dregst að viðfangsefnum þar sem menning og náttúra eiga sína snertifleti. Sjónræn áhrif tímans sem birtast á ákveðnum stað og það hvernig sú umbreyting á sér stað. Myndir hans bera tímans rás og nærveru sögunnar vitni. Verkefni Martin hefjast sem sjónræn athugun sem þróast í rannsóknir og síðar sýningar.

Martin Cox hefur sýnt verk sín síðan á miðjun 9. áratug 20. aldar Einkasýningar hans eru m.a.: Stranded, LOS ANGELES MARITIME MUSEUM, 2012-13, Summer Navigation: Passage through the pastoral (an 18th Century English Machine in the modern era), BALLARD'S GALLERY, Los Angeles 2011 and Perfect Echo, GALLERY 3517 Sunset Blvd, Los Angeles, CA, 2011. His group exhibitions include: LAND: Interactions Pasadena Photography Arts at Keystone Gallery, Los Angeles, 2015, Figurehead, FIX, Los Angeles 2014.

Frekari upplýsingar má finna á:  www.martincox.com

 
Óskir íslenskra barna
Wednesday, 07 September 2016 10:47

Óskir íslenskra barna

Safnahúsinu á Húsavík 9. september – 20. október

Ljósmyndari er Ásta Kristjánsdóttir

Óskir íslenskra barnaLjósmyndasýningin Óskir íslenskra barna er gjöf Barnaheilla – Save the Children á Íslandi til barna á Íslandi í tilefni 25 ára afmælis Barnasáttmála Sameinuðu þjóðanna.

Inntak sýningarinnar byggir á sönnum reynslusögum barna sem hafa upplifað ofbeldi, vanrækslu, einelti eða hafa búið við fátækt. Myndirnar birta ímyndaðar óskir þessara sömu barna. Þannig er áhersla lögð á að börn sem upplifa áföll og erfiðleika þurfa að fá að eiga sér ósk og von um að líða einhvern tímann betur.

Sýningin samanstendur af ljósmyndum eftir Ástu Kristjánsdóttur, texta úr Barnasáttmála Sameinuðu þjóðanna og Steinunn Hauksdóttir sá um uppsetningu, búninga og gerð óskatrésins.  Við tréið er hægt að koma fyrir óskum barna eða hengja þær á óskatréið.  Foreldrar eru hvattir til að aðstoða börnin við að skoða sýninguna og að skrifa óskir sína á miða. Gjarnan má hvetja barnið til að óska sér einhvers sem því hugkvæmist við að skoða sýninguna.

Öll börn eiga rétt á vernd gegn ofbeldi og þau eiga rétt á að njóta umönnunar. Ef þú veist um barn sem býr við ofbeldi, vanrækslu eða verulegan skort á nauðsynjum skaltu tilkynna það til barnaverndar eða í 112.

Einnig eru upplýsingar inni á www.verndumborn.is.

Ljósmyndari myndanna á sýningunni er Ásta Kristjánsdóttir. Hún á langan feril að baki og starfar í dag sem ljósmyndari í Reykjavík. Í myndum sínum leitast Ásta gjarnan við að senda skilaboð til áhorfandans sem endurspegla sýn hennar á samfélagið.

Smellið á myndirnar til að sjá myndbönd tengd sýningunni.

Öll vinna við sýninguna var unnin í sjálfboðastarfi.

 
Húsavík
Friday, 12 August 2016 12:04

„Húsavík“

Húsavík„Húsavík“ er yfirskriftin á einkasýningu Julie Lænkholm sem opnar á Safnahúsinu á Húsavík þann 13. ágúst og stendur til til 15. október. Sýningin byggir á rannsókn Julie á eigin fjölskyldusögu en Julie er afkomandi Þórðar Guðjohnsen sem opnaði verslun á Húsavík árið 1871 og rak um langt skeið áður en hann fluttist með fjölskyldu sinni til Danmerkur og byggði sér þar hús sem hann nefndi "Husavik". Á sýningunni sýnir Julie röð verka úr ull sem hún hefur litað með jurtum sem hún hefur tínt í nágrenni húsavíkur, þæft og fest á gamlar dýnur. Sýningin opnar með röð viðburða sem hefjast kl. 10 á reitnum milli Samkomuhússins og Ösku. Meðlimir í Kvenfélagi Húsavíkur, Leikfélagi Húsavíkur og Kirkjukór Húsavíkur annast flutning dagskrár ásamt hópi húsvískra barna. Klukkan 15:30 verður gestum boðið að ganga yfir í Safnahúsið og njóta verkanna sem þar eru staðsett á efstu hæð.

 

 

 

 

Dagskráin verður sem hér segir:

Öskjureitur

10:00-18:00 Húsvísk börn búa til „merkingarstafla“ (meaning pile). Öllum börnum er velkomið að taka þátt í þessu verkefni!

14:00 Kirkjukór Húsavíkur syngur lag Péturs Guðjohnsen „Andvaken“ með nýjum texta eftir Julie Lænkholm.

14:30 Kvenfélag Húsavíkur flytur lagið „Án titils 2016“.

14:00-15:00 Meðlimir í Leikfélagi Húsavíkur birtast einhvern tímann á þessu bili!

Safnahús

15:30 Athöfn á efstu hæð Safnahússins. Boðið verður upp á kaffi og súkkulaði.

 
«StartPrev12345678910NextEnd»

Page 1 of 11
 
Banner
Banner
Banner
Banner
Banner