Sjóminjasýning
Þriðjudagur, 20. apríl 2010 15:34

Í Safnahúsinu á Húsavík er fastasýning sjóminjasafnsins en hún var opnuð í apríl 2002.  Sýningin er einkar glæsileg og gefur glögga mynd af þróun útgerðar og bátasmíði í Þingeyjarsýslum allt frá árabátaöldinni fram til vélbátaútgerðar.

Á sýningunni má sjá fjölda báta sem margir hverjir voru smíðaðir á Húsavík. Þar er einnig Hrafninn, teinæringur sem Norðmenn gáfu til Húsavíkur 1974 í tilefni af 1100 ára afmæli Íslandsbyggðar. Einnig eru til sýnis fjöldi veiðarfæra, tækja og tóla sem notuð voru við fiskveiðar svo og sel- og hákarlaveiði.

Sýningin varpar einnig ljósi á mikilvægi hafsins fyrir þróun byggðar á svæðinu, ekki einungis vegna fiskveiða heldur einnig vegna selveiði, sjófuglanytja, rekanytja og annarra auðlinda tengt hafinu og ströndinni.

Í sýningarsalnum er lítill kvikmyndasalur þar sem sýndar eru ýmsar heimildarmyndir sem fjalla um strandmenningu og sjómennsku.

Kortasjá Menningarmiðstöðvar ÞingeyingaÁ sýningunni er kortasjá þar sem hægt er að skoða ýmsa þætti strandmenningar í Þingeyjarsýslum svo sem fiskimið, bátalendingar, vita og ýmsar strandnytjar.

 
 
Auglýsing
Auglýsing
Auglýsing
Auglýsing