Sýningar í gangi
Fimmtudagur, 03. febrúar 2011 15:39

Safnahúsið á Húsavík

Grunnsýning Safnahússins heitir "Mannlíf og Náttúra - 100 ár í Þingeyjarsýslum".  Í sýningunni er fléttað saman náttúrugripum og munum úr byggðasafni Þingeyinga svo úr verður einkar athyglisverð sýning þar sem gestir upplifa sterkt samspil manns og náttúru í Þingeyjarsýslum á tímabilinu 1850 til 1950 . 

Grunnsýning sjóminjasafnins gefur glögga mynd af þróun útgerðar og bátasmíði í Þingeyjarsýslum allt frá árabátaöldinni fram til vélbátaútgerðar. 

Í Listasalnum á efstu hæð Safnahússins eru settar upp tímabundnar myndlistarsýningar einstaklinga og sýningar á málverkum úr eigu safnsins.

Á jarðhæðinni eru tímbundnar sýningar og uppákomur af ýmsum toga.

Grenjaðarstaður

Á Grenjaðarstað er byggðasafn með á annað þúsund gripa.  Það er einstök upplifun að ganga um bæinn og ímynda sér hvernig fólk lifði þar, bæði fyrir börn og fullorðna. Þar er líka að finna tvær litlar sérsýningar, annars vegar um pósthúsið sem var starfsrækt í torfbænum og hins vegar margmiðlunarsýningu þar sem má fræðast um þróun torfbæjarins í máli og myndum. Sú sýning er lánssýning frá Þjóðminjasafni Íslands.

Snartarstaðir

Á Snartarstöðum er einstök sýning á munum úr byggðarsafni N-Þingeyinga.  Þar er að finna mikið úrval hannyrða af ýmsum toga, glæsilegan útsaum, vefnað, prjónles og margt fleira sérstakt og skemmtilegt.  Þar eru einnig ýmsir aðrir hlutir, leikföng, brunakerra, byssur, útskurður, járnsmíði og margt fleira. Á safninu er merkilegt bókasafn Helga Kristjánssonar í Leirhöfn en var vel þekktur bókbindari og húfugerðarmaður.

 
 
Auglýsing
Auglýsing
Auglýsing
Auglýsing
Auglýsing