|
Þriðjudagur, 19. janúar 2016 08:19 |
Herdís Sigurðardóttir, nýráðinn starfsmaður hjá Menningarmiðstöð Þingeyinga.
Herdís Sigurðardóttir hefur hafið störf hjá Menningarmiðstöð Þingeyinga. Herdís starfaði áður sem aðstoðarskólastjóri Framhaldsskólans á Húsavík. Meginviðfangsefni hennar hjá Menningarmiðstöðinni verður safnakennsla og kynningarstarf. Herdís hefur víðtæka kennslureynslu og sérsvið hennar er íslenskt mál. Hún er ekki alveg ókunnug Safnahúsinu, en þar starfaði hún í fjögur sumar við móttöku gesta á háskólaárum sínum.
Við bjóðum Herdísi velkomna til starfa og hlökkum til samstarfsins. |
|
|
Þriðjudagur, 22. desember 2015 10:58 |
Jólakort MMÞ 2015
|
|
Þriðjudagur, 08. desember 2015 08:35 |
Þetta vilja börnin sjá!
Nú hefur verið opnuð á jarðhæð Safnahússins (framan við bókasafn) sýningin „Þetta vilja börnin sjá“. Sýningin stendur til 22. janúar 2016.
 „Þetta vilja börnin sjá“ er sýning á myndskreytingum úr íslenskum barnabókum sem komu út á árinu 2014. Á sýningunni kemur vel fram sú fjölbreytni sem er í íslenskri barnabókaútgáfu. Sýningin er farandsýning og er nú að enda ferð sína þetta árið, en þetta er í 5. sinn sem hún er sett upp hér í Safnahúsinu í desember. Sýningin sem er einkar falleg og fjölbreytt og hentar afar vel fyrir skóla- og leikskólaheimsóknir.
Sýningin er opin mánudaga og föstudaga 8-17 og þriðjudaga til fimmtudaga 8-18.
Það þarf ekki að panta fyrir hópa, en þó er gaman að vita af því ef von er á hópum. Allar heimsóknir skólahópa á sýningar Menningarmiðstöðvar Þingeyinga eru ókeypis.
Skóla- og leikskólanemendur eru sérstaklega velkomnir. |
|
Fimmtudagur, 26. nóvember 2015 10:42 |
Myrkt baðstofukvöld
|
|
|
|
|
|
|
Síða 9 af 53 |
