Þetta vilja börnin sjá!

- Upplestrardagskrá í tengslum við sýninguna -

Í tilefni af sýningunni "Þetta vilja börnin sjá!" stendur Safnahúsið fyrir upplestrarstundum fyrir börn, á mánudags- og þriðjudagsmorgnum næstu vikur. Stundirnar hefjast klukkan 10:00, lesið verður í u.þ.b. 20 mín. í hvert sinn. Lesið verður úr nýútkomnum barnabókum í bland við gamlar og góðar.

Nýlega bárust Ljósmyndasafninu sex ljósmyndir sem voru teknar á Grenjaðarstað um 1940. Myndirnar eru af börnum við leik í kringum Grenjaðarstað. Gefandi eru Soffía Margrét Þorgrímsdóttir, en hún fæddist á Grenjaðarstað, og sonur hennar Hermann Þráinsson. Menningarmiðstöð Þingeyinga vill þakka þeim kærlega fyrir þessa góðu gjöf.

Á undanförnum árum hefur mikil vinna verið lögð í að skrá þær myndir sem hafa borist safninu í gagnagrunn. Margra ára grunnvinna er þó eftir en vinnu við safn sem þetta lýkur raunar aldrei. Á hluta af þeim myndum sem berast safninu er ekki vitað hver er. Myndir af einstaklingum sem enginn kann deili á hafa fremur lítið gildi. Þess vegna mun Safnahúsið birta reglulega myndir á þessum vef þar sem ekki er vitað t.d. hver er á myndinni, hver tók myndinna, hvaða ár hún var tekin o.s.frv. með þeirri von að safnið fái ábendingar sem leiða til þess að hægt sé að fylla út í þær eyður sem vantar.

Óþekktu myndir er hægt að nálgast hér.