Tónleikar með sönglögum úr heftinu ÞRÁ eftir Maríu Elísabetu  Jónsdóttur frá Grenjaðarstað.

Flytjendur eru Fanney Kristjáns Snjólaugardóttir, söngur og Helga Kvam, píanó

Þrá er fyrsta sönglagahefti sem kemur út á Íslandi eftir kventónskáld

Tónleikar í hlöðunni (þjónustuh.) á Grenjaðarstað mánudaginn 19. júní klukkan 20 og í Hlöðunni í Litla Garði á Akureyri  miðvikudaginn 21. júní klukkan 20.

Aðgangur er ókeypis og eru allir velkomnir.

María Elísabet Jónsdóttir fæddist 1869 og er fyrst kvenna á Íslandi til að fá tónverk birt á prenti, sönglag hennar Farfuglarnir birtist í Óðni 1915. María Elísabet var prestfrú á Grenjarstað, stjórnaði þar kirkjukór og lék á orgel. Hún samdi nokkur sönglög sem komu út í litlu hefti undir titlinum Þrá árið 1949 þar sem Árni Björnsson útsetti píanóundirleik við lögin, 4 árum eftir andlát hennar. Þrá er fyrsta sönglagahefti sem kemur út á Íslandi eftir kventónskáld, þar sem María Elísabet semur lög við texta Huldu, Davíðs Stefánssonar, Jóns frá Hrafnagili og Páls J. Árdal.

Fanney Kristjáns Snjólaugardóttir, söngkona og Helga Kvam, píanóleikari hafa unnið með útsetningar Árna og bætt við sínum eigin. Dagskráin verður í tali og tónum, þar sem líf og störf  Maríu Elísabetar eru kynnt  á stuttri kvöldstund.

Tónleikar verða haldnir á Grenjaðarstað á degi réttindabaráttu kvenna,  mánudaginn 19. júní klukkan 20:00 og í Hlöðunni í Litla Garði á Akureyri fmiðvikudaginn 21. júní klukkan 20:00.

Allar frekari upplýsingar gefur Fanney Kristjáns Snjólaugardóttir í síma 865 2130 eða This e-mail address is being protected from spambots. You need JavaScript enabled to view it

Tónleikarnir eru styrktir af  Norðurorku, Akureyrarstofu og Uppbyggingarsjóði Norðurlands eystra.

Far Away Right Here – Langt í burtu, hérna

Matin Cox
Safnahúsinu á Húsavík
Júní 3 - Sept 1, 2017
Formleg opnun 10. júní kl. 17:00.

Ljósmyndarinn Martin Cox, búsettur í Los Angeles, fæddur í Englandi, mun í sumar halda einkasýninguna “Far away, right here” eða “Langt í burtu, hérna” í Safnahúsinu. Margar myndanna á sýningunni eru afrakstur mánaðarlangrar dvalar Martin í Fjúk listamiðstöð á Húsavík sumarið 2016. Meðan á dvölinni stóð kannaði Martin ströndina í vetrarbúningi og bjó til myndaröð undir áhrifum af landslagi og sögu Húsavíkur. Martin Cox hefur síðastliðna viku unnið að uppsetningu á ljósmyndasýningu sinni á neðstu hæð Safnahússins. Um helgina birtist viðtal við Martin í Nordicstyle Magazine, þar segir hann frá sýningunni og tildrögum hennar. Viðtalið má nálgast hér http://www.nordicstylemag.com/2017/06/interview-with-photographer-martin-cox.

Lykilverkið í sýningunni er afar stór klippimynd (collage), mynd af Húsavíkurhöfn gerð úr hundrað handprentuðum ljósmyndum. Myndirnar tók Martin af Húsavíkurhöfn við fjölbreytileg birtu- og veðurskilyrði. Í verkinu segir Martin á sjónrænan hátt sögu hafnarinnar, starfseminnar sem þar fer fram, viðskipta og mannlífs. Veðrið, fjöllin, skipin og birtan leika aðalhlutverk í myndunum. Hann bætir einnig sögulegri vídd í verkið með myndum úr Ljósmyndasafni Þingeyinga af lífinu við höfnina í gegnum tíðina. Framtíðin birtist einnig í verkinu í myndum af heimabörnum teknum af foreldrum. Verkið vann Martin að mestu í vinnustofu sinni í L.A., en síðustu myndunum verður bætt í verkið við uppsetningu í Safnahúsinu.

Martin hefur fundið að í þessari vinnu sinni hafa uppvaxtarár hans í hafnarbænum Southampton í Englandi, iðnaðarbæ með sterka tengingu við sveitina í kring, haft áhrif. Þau áhrif blandast síðan áhrifum sem hann hefur orðið fyrir af eyðmörkum sem umkringja Los Angeles, Martin er heillaður af fjarlægðunum, þögninni og jarðfræði þessa heillandi landslags.

Á sýninunni verður einnig nánast “eintóna” röð landslagsmynda,  myndaröðin “Snjóteikningar” dregur fram “minimalismann” í landslagi undir snjó.

Litir og skali eru viðfangsefni þriðju myndaraðirnnar. Þar sem myndefnið er snjóruðningar við götur Húsavíkur. Í samspili götulýsingar og ljósaskipta verður til einstök birta sem lýsir upp þessi sköpunarverk sem að hluta eru manngerð.

Martin skýrir áhuga sinn á landslagi: “Ég vinn með landslag til að sjá það betur. Landslagið er birtingarmynd okkar og okkar athafna til langs tíma. Uppblástur, landnotkun, landbúnaður, jarðfræði, veður, iðnaður og flekaskil, vísbendingar sem birtast allt í kringum okkur og hafa að öllum líkindum undirliggjandi áhrif á tilfinningar hversdagsins. Tíminn markar landslagið. Landslag er kort af fortíðinni, endurspeglun nútímans og framtíðar.  Það er kjarni viðhorfa í okkar lífi, við sjáum það út undan okkur, grundvöllinn að tilvist mannsins.

Ísland er land sem liggur við heimskautsbaug, því hafa loftslagsbreytingar stórkostleg áhrif þar. Í kyrrð dalanna er undirliggjandi menningarleg umbylting þegar loftslagsbreytingar gera það að verkum að forn landnýtingarhefð sleppir tökunum.”

Martin dregst að viðfangsefnum þar sem menning og náttúra eiga sína snertifleti. Sjónræn áhrif tímans sem birtast á ákveðnum stað og það hvernig sú umbreyting á sér stað. Myndir hans bera tímans rás og nærveru sögunnar vitni. Verkefni Martin hefjast sem sjónræn athugun sem þróast í rannsóknir og síðar sýningar.

Martin Cox hefur sýnt verk sín síðan á miðjun 9. áratug 20. aldar Einkasýningar hans eru m.a.: Stranded, LOS ANGELES MARITIME MUSEUM, 2012-13, Summer Navigation: Passage through the pastoral (an 18th Century English Machine in the modern era), BALLARD'S GALLERY, Los Angeles 2011 and Perfect Echo, GALLERY 3517 Sunset Blvd, Los Angeles, CA, 2011. His group exhibitions include: LAND: Interactions Pasadena Photography Arts at Keystone Gallery, Los Angeles, 2015, Figurehead, FIX, Los Angeles 2014.

Frekari upplýsingar má finna á:  www.martincox.com