|
Föstudagur, 08. júlí 2016 15:22 |
Sumarklassík í Safnahúsinu á Húsavík.
Sumarklassík í Safnahúsinu á Húsavík er ný tónleikaröð sem tónlistarkonan Lára Sóley Jóhannsdóttir stendur fyrir í samstarfi við Menningarmiðstöð Þingeyinga og verða þrennir tónleikar á dagskrá í júlí og ágúst.
Á fyrstu tónleikunum, sem fram fara miðvikudaginn 13. júlí, koma fram fiðluleikarinn Lára Sóley Jóhannsdóttir og píanistinn Dawn Hardwick. Þær flytja breska og íslenska tónlist. Á efnisskrá tónleikanna eru verk eftir Graham Fitkin, Edward Elgar, Jón Nordal og útsetningar Atla Heimis Sveinssonar á þekktum íslenskum sönglögum. Einnig verður flutt útsetning Láru Sóleyjar á Vornæturljóði Elísubetar Geirmundsdóttur og nýtt verk fyrir fiðlu og píanó eftir Láru. Tónleikarnir hefjast kl. 20.00 og er miðaverð kr. 2000. Uppbyggingasjóður og Norðurþing styrkja tónleikaröðina.
 Breski píanisti Dawn Hardwick er fædd í Wales. Hún hóf tónlistarnám sitt 6 ára gömul og 15 ára fékk hún inngöngu í Chetham School of Music. Þaðan lá leiðin í Royal Welsh College of Music and Drama og síðan í Royal College of Music í London. Dawn hefur margoft leikið einleik með sinfóníuhljómsveitum og unnið til fjölda verðlauna fyrir píanóleik sinn. Dawn kemur reglulega fram með London Philharmonic Orchestra, Ulster Orchestra og Royal Philharmonic Orchestra. Hún leikur einnig með tónlistarhópnum Piano Circus, en þar leika 6 píanistar saman og flytja nánast eingöngu nýja klassíska tónlist.
Lára Sóley Jóhannsdóttir, fiðluleikari ólst upp á Húsavík og hóf þar tónlistarnám 6 ára gömul. Að lokinni útskrift frá Menntaskólanum á Akureyri árið 2001 hélt Lára til framhaldsnáms í Bretlandi og útskrifaðist frá Royal Welsh College of Music and Drama árið 2006. Síðan þá hefur Lára starfað sem fiðluleikari og söngkona á Íslandi, auk þess sem hún hefur fengist við kennslu og verkefnastjórn. Lára gaf út plötuna Draumahöll árið 2015 og árið 2013 gaf nún út plötun Hjalti og Lára í samstarfi við eiginmann sinn. Lára hlaut listamannalaun til þriggja mánaða árið 2015 og var útnefndur Bæjarlistamaður Akureyrar 2015-2016. Lára hefur frá haustinu 2015 verið konsertmeistari hjá Sinfóníuhljómsveit Norðurlands. |
|
|
Miðvikudagur, 29. júní 2016 11:28 |
Grenjaðarstaður - Sumardagskrá
|
|
Miðvikudagur, 11. maí 2016 10:48 |
Álfabækur 12. maí – 30. júní
 Sýning Guðlaugs Arasonar rithöfundar og myndlistarmanns verður opnuð fimmtudaginn 12. maí kl. 17:00. Þess heillandi sýning er sett upp í sýningarsvæði á jarðhæð Safnahúsins. Sýningin mun standa til 30. júní og vera opin á opnunartíma safnsins. Sýningaropnunin er öllum opin, en þá gefst gestum kostur á að hitta á listamanninn sjálfan á sýningunni.
Myndlistarmaðurinn Guðlaugur Arason hefur valið sér nýja og sérstaka leið í myndlist sinni. Hann kallar myndverk sín einu nafni Álfabækur. Fyrsta sýning á Álfabókum var sett upp sumarið 2013. Sýningin samanstendur af litlum bókaskápum með örsmáum eftirgerðum af íslenskum sem erlendum bókum. Hver bókaskápur er heimur út af fyrir sig og þar búa bæði skáld og kynjaverur. Í hverju myndverki leynist lítill verndarálfur, ártal og nafn höfundar. Áhorfandinn þarf að staldra við og gefa sér góðan tíma meðan ímyndunaraflið fer á flug.
Guðlaugur Arason gaf út sína fyrstu skáldsögu, Vindur, vindur vinur minn, 25 ára gamall. Síðan hefur hann skrifað skáldsögur, leikrit, ljóð og einnig bækur um Kaupmannahöfn. Verk hans hafa notið mikilla vinsælda og verið verðlaunuð. Hann hefur því verið þekktari sem rithöfundur en myndlistarmaður þótt hann hafi alal tíðu unnið að myndlist jöfnum höndum með skrifum. Meðal bókmenntaverka hans má nefna Víkursamfélagið, Sóla, Sóla, Eldhúsmellur og Gamla góða Kaupmannahöfn. |
|
Miðvikudagur, 11. maí 2016 10:42 |
Greiningarsýning
Greiningarsýning á ljósmyndum úr Ljósmyndasafni Þingeyinga verður opnuð á efstu hæð Safnahússins fimmtudaginn 12. maí 2016 kl. 17:00. Á sýningunni eru ljósmyndir frá ýmsum ljósmyndurum og frá ýmsum tímabilum.
Sýningin verður opin alla virka daga frá 10:00 til 16:00 í maí
og alla daga vikunnar frá 10:00 til 18:00 út júní.
Aðgangur er ókeypis. |
|
|
|
|
|
|
Síða 7 af 52 |
