Forsíða
News
Nýr forstöðumaður Menningarmiðstöðvar Þingeyinga
Tuesday, 15 November 2011 00:00

Sif JóhannesdóttirStjórn Menningarmiðstöðvar Þingeyinga hefur ráðið Sif Jóhannesdóttur þjóðfræðing sem nýjan forstöðumann Menningarmiðstöðvar Þingeyinga frá 15.nóvember n.k.

Sif er með MA próf í hagnýtri menningarmiðlun, BA próf í þjóðfræði með guðfræði sem aukafag og með próf í kennslufræði til kennsluréttinda á grunn- og framhaldskólastigi.

Sif hefur starfað undanfarin misseri hjá Menningarmiðstöð Þingeyinga sem fræðslufulltrúi.

Stjórn Menningarmiðstöðvar þakkar fráfarandi forstöðumanni Sigrúnu Kristjánsdóttur mjög gott starf fyrir stofnunina og óskar henni velfarnaðar í framtíðinni.

 
Ráðstefna Félags héraðsskjalavarða
Monday, 14 November 2011 15:53

Héraðsskjalaverðir og starfsmenn héraðsskjalasafna heimsóttu Höfða í hádegishléi og fengu að skoða húsið undir tryggri leiðsögn Önnu K. Kristinsdóttur móttökufulltrúa hjá Reykjavíkurborg. Hér má sjá hópinn samankominn á tröppunum.Ráðstefna Félags héraðskjalavarða á Íslandi var haldin dagana 10. - 11. nóvember 2011.  Félagið hefur staðið fyrir námskeiðum um skjalavörslu grunnskóla á árinu með skólastjórnendum og starfsmönnum grunnskóla um land allt. Ráðstefnan fjallaði um skjalavörslu grunnskóla og voru ýmsir þættir skjalavörslunnar skoðaðir enn frekar með tilliti til samstarfs héraðsskjalasafna og grunnskóla. Mikil vinna er framundan við frágang og skráningu eldri skjala skólanna auk þess sem verið er að útbúa bréfalykla og skjalavistunaráætlanir fyrir skóla. Sú vinna er ýmist unnin af skólunum sjálfum en í flestum tilfellum eru héraðsskjalasöfnin skólunum til aðstoðar.


Aðalfundur Félags héraðsskjalavarða á Íslandi var einnig haldinn og þar var m.a. ný stjórn kosin. Nýju stjórnina skipa:  

Hrafn Sveinbjarnarson, Héraðsskjalasafni Kópavogs. Gerður Jóhanna Jóhannsdóttir, Héraðsskjalasafni Akranes. Sigurður Hannesson, Héraðsskjalasafni Austur-Skaftafellssýslu. Snorri Guðjón Sigurðsson, Héraðsskjalasafni Þingeyinga. Svanhildur Bogadóttir, Borgarskjalasafni Reykjavíkur. Þorsteinn Tryggvi Másson, Héraðsskjalasafni Árnesinga.

Sjá nánar á vef félags héraðsskjalavarða á Íslandi http://www.heradsskjalasafn.is/

 
Árbók 2010
Wednesday, 02 November 2011 00:00

 

Árbók 2010 - forsíðumynd: Björn Ingólfsson

Árbók Þingeyinga 2010 - árgangur LIII er komin út.

Read more...
 
«StartPrev71727374757677787980NextEnd»

Page 71 of 87
 
Banner
Banner
Banner
Banner