Forsíða

Starfsemi

Auglýsing

Sarpur

Auglýsing
Auglýsing

Óþekktar myndir

Auglýsing
Fréttir
Þriðjudagur, 14. desember 2021 08:19

Sigríður Örvarsdóttir hefur verið ráðin forstöðumaður Menningarmiðstöðvar Þingeyinga.

Sigríður Örvarsdóttir Síðastliðin 15 ár hefur Sigríður komið að ýmsan hátt að safna- og menningarstarfi og unnið að fjölbreyttum verkefnum á menningarminja- og listasöfnum. Hún hefur m.a. reynslu  sem verkefnisstjóri og ráðgjafi við skrif á safnastefnu og nú síðustu misseri sem verkefnisstjóri menningarviðburða og sýninga hjá Akureyrarbæ.

Sigríður er með MA-gráðu í safnafræði frá Háskóla Íslands, er með diplómu í jafnréttisfræði frá sama skóla og hefur að auki lokið grunn- og framhaldsmenntun í hönnun á háskólastigi. Sigríður hefur einnig réttindi til kennslu í grunn- og framhaldsskóla.

Sigríður tekur við starfinu í byrjun nýs árs af fráfarandi forstöðumanni Jan Aksel Klitgaard.

 
Þriðjudagur, 16. nóvember 2021 09:19

Þórir Baldvinsson arkitekt - útgáfuhóf

Laugardaginn 20. nóvember kl. 15  verður útgáfuhóf í Safnahúsinu á Húsavík í tilefni af útgáfu bókar um Þóri Baldvinsson (1901-1986) arkitekt sem fæddur var í Köldukinn. Flutt verða stutt erindi og sýning opnuð um líf og starf Þóris og tengsl hans við sitt heimahérað. Erindi flytja Árni Daníel Júlíusson, Jóhannes Þórðarson, Ólafur Mathiesen og Ólafur J. Engilbertsson sem ritstýrir bókinni. Auk þeirra mun Úlfur Kolka, barnabarnabarn Þóris segja frá tilurð bókarinnar.

Þórir BaldvinssonÞórir Baldvinsson var í senn framúrstefnumaður í arkitektúr og hugsjónamaður í baráttu fyrir bættum húsakosti til sveita. Hann varð fyrstur íslenskra arkitekta til að kynna nýjar húsnæðislausnir í anda funksjónalisma og var frumkvöðull í gerð slíkra bygginga hér á landi eins og samvinnuhúsanna svokölluðu við Ásvallagötu í Reykjavík og við Helgamagrastræti á Akureyri. Þar kynnti Þórir fyrstur manna til sögunnar forskölun í húsbyggingum hér á landi. Þórir teiknaði einnig fjölmargar opinberar byggingar; héraðsskóla, kaupfélagshús, samkomuhús og verksmiðjuhús vítt og breitt um landið og þekktar byggingar í Reykjavík eins og Alþýðuhúsið við Hverfisgötu og Mjólkurstöðina við Laugaveg sem nú hýsir Þjóðskjalasafnið. Helsta starf Þóris var hinsvegar að veita Teiknistofu landbúnaðarins forstöðu á árunum 1938-1969. Þáttur hans í nútímavæðingu sveitanna var gríðarstór, bættur húsakostur sem hélst í hendur við vélvæðingu. Hér gefur að líta í fyrsta sinn yfirlit verka Þóris ásamt æviágripi hans. Ólafur J. Engilbertsson ritstýrir bókinni en auk hans skrifa greinar Árni Daníel Júlíusson, Jóhannes Þórðarson, Ólafur Mathiesen og Pétur H. Ármannsson sem jafnframt tekur saman verkaskrá Þóris. Úlfur Kolka sér um útlit bókarinnar en hana prýðir fjöldi ljósmynda og teikninga.

Sýningin verður staðsett á jarðhæð Safnahússins. Aðgangur er ókeypis. Grímuskylda.

 
Fimmtudagur, 11. nóvember 2021 14:45

Staða forstöðumanns Menningarmiðstöðvar Þingeyinga er laus til umsóknar.

Staða forstöðumanns Menningarmiðstöðvar Þingeyinga er laus til umsóknar.


Umsóknarfrestur er til og með 20. nóvember 2021 og sækja skal um á www.mognum.is. Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veitir Sigríður Ólafsdóttir hjá Mögnum, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

 
Fimmtudagur, 11. nóvember 2021 11:58

Ráðstefna Þjóðskjalasafns Íslands

Lestrarsalur Héraðsskjalasafns Þingeyinga verður lokaður fyrir hádegi á morgun, föstudaginn 12. nóvember, vegna ráðstefnu Þjóðskjalasafns Íslands.

Yfirskrift ráðstefnunnar er Stafræn umbreyting stjórnsýslunnar. Staða og framtíð. Flutt verða fjögur erindi af fulltrúum frá fjármála- og efnahagsráðuneyti, Sambandi íslenskra sveitarfélaga, Tryggingastofnun ríkisins auk Þjóðskjalasafns Íslands.

Lestrarsalurinn verður opnaður aftur kl. 13:00.

 
«FyrstaFyrri12345678910NæstaSíðasta»

Síða 6 af 81
 
Auglýsing
Auglýsing
Auglýsing
Auglýsing