Forsíða
Fréttir
Miðvikudagur, 02. nóvember 2011 00:00

 

Árbók 2010 - forsíðumynd: Björn Ingólfsson

Árbók Þingeyinga 2010 - árgangur LIII er komin út.

Nánar...
 
Föstudagur, 14. október 2011 08:56

Margmiðlunarefnið á snertiskjánum á Samvinnusýningunni hefur nú verið uppfært. Efnið sem nú bætist við fjallar um tímabilið 1920-1940.

Skjámyndin fyrir tímabilið 1920-1930

Mikill fjöldi ljósmynda og myndbanda bætast við í þessum áfanga. Fjallað er m.a. um fyrstu útibú K.Þ., ullariðnað á Húsavík, fyrstu rafstöðvar í Þingeyjarsýslum og Sýslubókasafnið. Gagarín ehf sá um efnið en Björn Teitsson ritaði textann. Þriðji og síðasti hlutinn verður tilbúinn í febrúar 2012 en þá verða 130 ár liðinn síðan að undirritaður var samningur í Þverárstofu um fyrsta kaupfélagið.

 
Miðvikudagur, 12. október 2011 00:00

31.árgangur af Safna er kominn út. Safni er fréttablað Menningarmiðstöðvar Þingeyinga þar sem hverju starfsári er gert skil í máli og myndum. Safni er ókeypis hefur komið óslitið út síðan 1981.

Safni 2011

Í þessu fréttablaði eru fjallað um nýja grunnsýningu Safnahússins "Mannlíf og náttúra  - 100 ár í Þingeyjarsýslum".  Í blaðinu eru einnig birtar nokkrar myndir úr ljósmyndasafni Sigurðar Péturs Björnssonar en við andlát hans 2007 féll allt ljósmyndasafn Silla Menningarmiðstöðinni í skaut.

 
Föstudagur, 30. september 2011 00:00

Mikið fjör hefur verið í safnfræðslu þessa vikuna. Sýningin Fornleifar í Þingeyjarsýslum verður tekin niður í byrjun næstu viku og því voru kennarar hvattir til að heimsækja safnið með sína nemendur. Elsta deildin á Grænuvöllum, Hóll, heimsótti safnið í þremur hópum, alls 31 barn. Krakkarnir skoðuðu bæði fornleifasýninguna og sýninguna „Að kvöldi réttardags” og voru áhugasöm, spurul og hress.

Kátir krakkar hjá bangsa

 

Húsið iðaði svo af lífi og fjöri á fimmtudagsmorgun þegar 40 barna hópur úr Borgarhólsskóla og Grunnskólanum á Raufarhöfn kom í heimsókn. Meginviðfangsefni heimsóknarinnar voru eins og hjá leikskólahópunum sérsýningarnar 2. Einnig var aðeins farið á sjóminjasafnið og margir höfðu gríðarlega mikinn áhuga á því sem þar er að sjá.

Krakkarnir fóru í skemmtilegan leik Stoltir smaladrengir

Allir þessir 70 krakkar sem heimsótt hafa safnið í vikunni voru til fyrirmyndar og ánægjulegt að fá svona líflega og skemmtilega hópa í heimsókn.

 
«FyrstaFyrri41424344454647484950NæstaSíðasta»

Síða 48 af 59
 
Auglýsing
Auglýsing
Auglýsing
Auglýsing
Auglýsing