Forsíða
Fréttir
Miðvikudagur, 13. júní 2012 00:00

Óþekktar ljósmyndir

Nýlega bárust Ljósmyndasafni Þingeyinga myndir frá fjölskyldu Pálínu og Sigfúsi Jóhannesarbörnum. Á meðal þessara mynda voru nokkrar myndir þar sem ekki er vitað hverjir eru á myndunum. Þekkir þú andlitin? Ef svo er þá værum við þakklát ef þú sendir okkur línu á tölvupóstfangið skjalasafn[hjá]husmus.is.

Nánar...
 
Þriðjudagur, 12. júní 2012 09:00

Leikfangasýningin ´“Í austur“

Leikfangasýningin ´“Í austur“ var opnuð á Byggðasafni N-Þingeyinga á Snartarstöðum sl. laugardag. Á sýningunni eru leikföng frá leikfangasýningunni í Friðbjarnarhúsi á Akureyri.  Á sýningunni eru leikföng frá ýmsum tímum sem án efa vekja æskuminningar hjá mörgum.  Eigandi sýningarinnar í Friðbjarnarhúsi Guðbjörg Ringsted, setti upp sýninguna á Snartarstöðum og var með okkur á opnunardaginn. Við þökkum þeim sem heimsóttu okkur á opnunardaginn og áttu með okkur góða stund fyrir komuna. Sýningin verður á Snartarstöðum í allt sumar, en þar er opið frá 13-17 alla daga.

 

 

Nánar...
 
Þriðjudagur, 12. júní 2012 08:38

Eyðibýli á Íslandi – sumarið 2012


Háskólanemarnir átta sem vinna að rannsókn á eyðibýlum á Vesturlandi og Norðausturlandi í sumar. Efri röð frá vinstri: Hildur Guðmundsdóttir, Axel Kaaber og Birkir Ingibjartsson. Neðri röð frá vinstri: Steinunn Eik Egilsdóttir, Þuríður Elísa Harðardóttir, Bergþóra Góa Kvaran, Olga Árnadóttir og Sólveig Guðmundsdóttir Beck. Í sveitum landsins er fjöldi eyðibýla og yfirgefinna íbúðarhúsa sem mörg hver eru vel byggð og geyma merka sögu. Markmið verkefnisins Eyðibýli á Íslandi er að rannsaka og skrá umfang og menningarlegt vægi eyðibýla og annarra yfirgefinna íbúðarhúsa í sveitum landsins. Jafnframt að stuðla að björgun áhugaverðra og byggingarsögulega mikilvægra húsa, m.a. með endurgerð og nýtingu í ferðaþjónustu.  

Fyrstu skref verkefnisins voru tekin sumarið 2011 þegar rannsókn fór fram á eyðibýlum og yfirgefnum húsum í Austur-Skaftafellssýslu, Vestur-Skaftafellssýslu og Rangárvallasýslu. Afraksturinn var heildstætt yfirlit um 103 yfirgefin hús sem kom út í veglegu riti. Í sumar mun rannsóknin ná til tveggja ólíkra landsvæða, annars vegar Norðurlands eystra og hins vegar Vesturlands. Fyrstu vettvangsferðir sumarsins hefjast í sveitarfélögunum Snæfellsbæ og Langanesbyggð 11. júní n.k.. Þá munu átta háskólanemar úr verkfræði, arkitektúr, jarðfræði og fornleifafræði vinna við rannsóknina með stuðningi Nýsköpunarsjóðs námsmanna. Þar sem til stendur að skrásetja á komandi árum allt landið á þennan máta mun skapast verðmætur þekkingargrunnur um líf Íslendinga fyrr á tímum.

Hugtakið eyðibýli er hér notað í nokkuð víðum skilningi. Það er látið ná yfir yfirgefin hús í sveitum og smærri þéttbýlisstöðum, jafnvel þótt þau standi þar sem enn er önnur byggð til staðar, þ.e. ekki eingöngu á eyðijörðum. Eyðibýli geta haft mikla þýðingu af ýmsum ástæðum. Þau geta verið merkar menningarminjar og mikilvægrar heimildir um byggðasögu. Aldur húsanna, húsagerð eða byggingarlag þeirra getur verið sérstakt en einnig er sérstaða húsanna í búsetulandslagi sveitanna oft mikil.

Nánar...
 
Fimmtudagur, 07. júní 2012 10:22

Héraðsskjalasöfn með opið hús í tilefni af alþjóðlega skjaladeginum.


Laugardaginn 9. júní er Alþjóðlegi skjaladagurinn sem skjalasöfn um allan heim taka þátt í með einum eða öðrum hætti. Á þessum degi er vakin athygli á mikilvægi starfs skjalasafna og mikilvægi þess að skjöl varðveitist með tryggilegum hætti.


Á Íslandi taka héraðsskjalasöfn landsins þátt í Alþjóðlega skjaladeginum. Héraðsskjalasöfnin eru tuttugu talsins um land allt. Meginhlutverk þeirra er að safna, varðveita og afgreiða úr skjölum bæjar- og sveitastjórna, stofnana þeirra og fyrirtækja. Jafnframt taka þau til varðveislu skjöl einstaklinga, félaga og fyrirtækja á safnasvæðinu. Héraðsskjalasöfnin varðveita því söguna heima í héraði og gegna margvíslegu menningarlegu og stjórnsýslulegu hlutverki sem skilgreint er í lögum.

Nánar...
 
«FyrstaFyrri41424344454647484950NæstaSíðasta»

Síða 45 af 62
 
Auglýsing
Auglýsing
Auglýsing
Auglýsing