Forsíða

Óþekktar myndir

Auglýsing
Auglýsing

Fréttir frá MMÞ

Hvaða ár er núna?
Nafn:
Netfang:
Fréttir
Þriðjudagur, 06. desember 2011 16:09

Þetta vilja börnin sjá!

 Sýning á myndskreytingum í íslenskum barnabókum 2010 verður opnuð í Safnahúsinu þann 8. desember kl. 10:00. Sýningin er staðsett á jarðhæðinni.

Sófus og svínið

Þetta vilja börnin sjá! er sýning á myndskreytingum úr íslenskum barnabókum sem komu út árið 2010. Markmið sýningarinnar er að beina athyglinni að gildi myndskreytinga í barnabókum. Þátttakendur kepptu jafnframt um íslensku myndskreytiverðlaunin sem kennd eru við Dimmalimm. Verðlaununum er ætlað að hvetja bæði útgefendur og höfunda texta og mynda til frekari dáða. Dómnefnd valdi eina bók og voru úrslitin kunngerð í Gerðubergi við opnun sýningarinnar, 23. janúar sl.

Þátttakendur í sýningunni í ár eru:
Adrian Sölvi Ingimundarson, Agnieszka Nowak, Anna Cynthia Leplar, Auður Ösp Guðmundsdóttir og Embla Vigfúsdóttir, Áslaug Jónsdóttir, Björk Bjarkadóttir, Brad D. Nault,  Brynhildur Jenný Bjarnadóttir, Cassandra Canady, Elísabet Brynhildardóttir, Emily Weber, Erla Sigurðardóttir, Freydís Kristjánsdóttir, Guðrún Kristín Magnúsdóttir, Gunnar Júlíusson, Halldór Á Elvarsson, Halldór Baldursson, Hjalti Bjarnason, Inga María Brynjarsdóttir, Josefina Margareta Morell, Karl Jóhann Jónsson, Kristín Arngrímsdóttir, Kristín María Ingimarsdóttir, Matias Festa, Sigríður Ásdís Jónsdóttir, Sigrún Eldjárn, Sirrý Margrét Lárusdóttir, Þórarinn M. Baldursson, Þórey Mjallhvít H. Ómarsdóttir.

 

Dimmalimm 2010

 

 
Þriðjudagur, 06. desember 2011 09:39

Sigurður Pálsson les úr bók sinni Bernskubók
Í Safnahúsinu fimmtudaginn 8. des kl. 20:00

Bernskubók byggir Sigurður Pálsson á bernskuárum sínum í Norður-Þingeyjarsýslu en þar bjó hann frá fæðingu til fjórtán ára aldurs þegar hann hóf hefðbundið skólanám í landsprófsdeild Hagaskólans.

Í Bernskubók teflir Sigurður fram lifandi fortíðarmyndum sem hafa mótað hann sem einstakling frá frumbernsku, lýsir því hvernig skilningarvitin vakna, hvernig barnið nemur og skynjar umhverfi sitt, fjölskyldu og sveitunga, náttúruna, tungumálið; hvernig dýr og menn og almættið sjálft leika hlutverk sín á leiksviði barnsins.

Einnig verður lesið úr bókinni Nú kveð ég þig Slétta. Í henni er að finna vísur Sigurðar Árnasonar og viðtal við hann. Bókin er eins konar óður til Melrakkasléttu, byggðarinnar við nyrsta haf.

BernskubókUpplesturinn verður einnig á eftirtöldum stöðum:
Kaffi ljósfang, Raufarhöfn,  föstud. 9. des kl. 17:00.
Svalbarðsskóli, Þistilfirði,  föstud. 9. des kl. 21:00.
Byggðasafn N-Þingeyinga Snartarstöðum laugard. 10 des. kl. 11:00.

Á upplestrunum verður hægt að kaupa bókina Bernskubók og fá hana áritaða af höfundi.

 

Menningarráð Eyþings

 
Þriðjudagur, 15. nóvember 2011 00:00

Sif JóhannesdóttirStjórn Menningarmiðstöðvar Þingeyinga hefur ráðið Sif Jóhannesdóttur þjóðfræðing sem nýjan forstöðumann Menningarmiðstöðvar Þingeyinga frá 15.nóvember n.k.

Sif er með MA próf í hagnýtri menningarmiðlun, BA próf í þjóðfræði með guðfræði sem aukafag og með próf í kennslufræði til kennsluréttinda á grunn- og framhaldskólastigi.

Sif hefur starfað undanfarin misseri hjá Menningarmiðstöð Þingeyinga sem fræðslufulltrúi.

Stjórn Menningarmiðstöðvar þakkar fráfarandi forstöðumanni Sigrúnu Kristjánsdóttur mjög gott starf fyrir stofnunina og óskar henni velfarnaðar í framtíðinni.

 
Mánudagur, 14. nóvember 2011 15:53

Héraðsskjalaverðir og starfsmenn héraðsskjalasafna heimsóttu Höfða í hádegishléi og fengu að skoða húsið undir tryggri leiðsögn Önnu K. Kristinsdóttur móttökufulltrúa hjá Reykjavíkurborg. Hér má sjá hópinn samankominn á tröppunum.Ráðstefna Félags héraðskjalavarða á Íslandi var haldin dagana 10. - 11. nóvember 2011.  Félagið hefur staðið fyrir námskeiðum um skjalavörslu grunnskóla á árinu með skólastjórnendum og starfsmönnum grunnskóla um land allt. Ráðstefnan fjallaði um skjalavörslu grunnskóla og voru ýmsir þættir skjalavörslunnar skoðaðir enn frekar með tilliti til samstarfs héraðsskjalasafna og grunnskóla. Mikil vinna er framundan við frágang og skráningu eldri skjala skólanna auk þess sem verið er að útbúa bréfalykla og skjalavistunaráætlanir fyrir skóla. Sú vinna er ýmist unnin af skólunum sjálfum en í flestum tilfellum eru héraðsskjalasöfnin skólunum til aðstoðar.


Aðalfundur Félags héraðsskjalavarða á Íslandi var einnig haldinn og þar var m.a. ný stjórn kosin. Nýju stjórnina skipa:  

Hrafn Sveinbjarnarson, Héraðsskjalasafni Kópavogs. Gerður Jóhanna Jóhannsdóttir, Héraðsskjalasafni Akranes. Sigurður Hannesson, Héraðsskjalasafni Austur-Skaftafellssýslu. Snorri Guðjón Sigurðsson, Héraðsskjalasafni Þingeyinga. Svanhildur Bogadóttir, Borgarskjalasafni Reykjavíkur. Þorsteinn Tryggvi Másson, Héraðsskjalasafni Árnesinga.

Sjá nánar á vef félags héraðsskjalavarða á Íslandi http://www.heradsskjalasafn.is/

 
«FyrstaFyrri41424344454647484950NæstaSíðasta»

Síða 44 af 56
 
Auglýsing
Auglýsing
Auglýsing
Auglýsing
Auglýsing