Forsíða

Starfsemi

Auglýsing

Sarpur

Auglýsing
Auglýsing

Óþekktar myndir

Auglýsing
Fréttir
Fimmtudagur, 27. janúar 2022 14:10

Laxárdeilan: Morgunroði náttúruverndar á Íslandi

Menningarmiðstöð Þingeyinga vill vekja athygli á því að rétt fyrir síðustu jól var sýningin Laxárdeilan: Morgunroði náttúruverndar á Íslandi opnuð.

Sýningin fjallar um Laxárdeiluna, skýrir atburðarásina í máli og myndum og sýnir frá baráttu fyrir verndun náttúrunnar. Hún fjallar um tengsl manns og náttúru og kemur þar sjálf Laxá við sögu.

Um sýningarstjórn sá Sigurlaug Dagsdóttir og var gerð sýningarinnar styrkt af Safnasjóði. Efni var unnin upp úr safnkosti Menningarmiðstöðvar Þingeyinga.

Sýningin Laxárdeilan: Morgunroði náttúruverndar á Íslandi er staðsett á efstu hæð Safnahússins á Húsavík. Hægt er að njóta hennar á opnunartíma Safnahússins sem er virka daga frá 10 til 17 og laugardaga frá 10 til 15. Sýningin mun standa til sumarloka 2022.

Formleg sýningaropnun hefur enn ekki verið haldin sökum aðstæðna í samfélaginu, en verður auglýst síðar og þegar aðstæður leyfa.

 
Fimmtudagur, 27. janúar 2022 13:39

Solander 250: Bréf frá Íslandi og Paradise Lost – Daniel Solander‘s Legacy

15. júlí - 15. ágúst 2023 verður sýningin Solander 250: Bréf frá Íslandi til sýnis í Safnahúsinu á Húsavík. Sýningin verður sett upp til að minnast þess að 2022 eru 250 ár liðin frá einum fyrsta erlenda vísindaleiðangrinum til Íslands, 1772. Með í þeirri för var sænski náttúrufræðingurinn Daniel Solander, sem var einn af lærisveinum hins heimsþekkta sænska náttúruvísindamanns Carl von Linné. Solander og félagar skrásettu m.a. ýmislegt um náttúru Íslands, menningu, siði og klæðaburð. Á sýningunni túlka tíu íslenskir grafíklistamenn þessa atburði og þær breytingar sem hafa átt sér stað á landi og þjóð.

Á sama tíma verður sýningin Paradise Lost – Daniel Solander‘s Legacy opnuð. Þar sýna 10 listamenn frá Kyrrahafssvæðinu, en Solander var í áhöfn HMS Endeavour í fyrstu ferð Evrópumanna til Ástralíu. Sýningin hefur áður verið sett upp á Nýja-Sjálandi, í Ástralíu og Svíþjóð. Sýningarnar tvær mynda því einstakt samtal Norðurskautsins og Kyrrahafsins í gegnum ferðir Daniel Solanders. Sýningarnar tvær eru samstarfsverkefni Sendiráðs Svíþjóðar á Íslandi og félagsins Íslensk grafík.


 


Þátttakendur

Solander 250: Bréf frá Íslandi: Anna Líndal, Aðalheiður Valgeirsdóttir, Daði Guðbjörnsson, Gíslína Dögg Bjarkadóttir, Guðmundur Ármann Sigurjónsson, Iréne Jensen, Laura Valentino, Soffía Sæmundsdóttir, Valgerður Björnsdóttirog Viktor Hannesson.

Paradise Lost - Daniel Solander’s Legacy: Sharnae Beardsley Dagmar Dyck, Tabatha Forbes, John McLean, Alexis Neal, Jo Ogier, Jenna Packer, John Pusateri, Lynn Taylor og Michel Tuffery

 
Miðvikudagur, 12. janúar 2022 00:00

Greiningarsýning á ljósmyndum

Greiningarsýning á ljósmyndum er nú opin í Safnahúsinu á Húsavík. Einnig er hægt að skoða hana á með því að smella á myndina hér fyrir neðan. Ábendingar um hverjir eru á myndunum, hvar þær eru teknar eða hvaða ár er hægt að senda á skjalasafn(hjá)husmus.is. Áriðandi er að taka fram nr. myndar og nr. einstaklings á myndinni.

Greiningarsýning

 
Fimmtudagur, 23. desember 2021 11:04

Jólakveðja MMÞ

Jólakveðja 2021

 
«FyrstaFyrri12345678910NæstaSíðasta»

Síða 5 af 81
 
Auglýsing
Auglýsing
Auglýsing
Auglýsing